AVP a tene su conferencia di prensa caminda a enfoka riba e ultimo publicacion di banco central udna a indica e estado di nos economia. Cu hopi satisfaccion ta wak un resultado di un maneho structura. Richard Arends di AVP a splica cu diferente cos cu AVP su gobernacion a haci ta dunando su fruto.
Mas aleu Sr. Richard Arends a splica esey ta duna speransa cu pa fin di aña nan lo logra e meta cu nan a pone nan dilanti na inicio di aña. A pronostica un crecemento di 3.4% cual tabata basa riba inversion publico y priva a pone cu a yega na e di cuater kwartaal di 2017 y e resultado di e prome kwartaal ta publica. Inversionnan den diferente area ta dunando su fruto. Turismo ta dunando e fruto substancial y tambe e rehabilitacion di e refineria, cu ta un punto importante den e resultadonan di e prome kwartaal. A haci E cantidad di loke turismo ta laga atras tambe a aumenta. A inverti den calidad y no solamente cantidad. Tin pilar historico y importante cu ta regarda e refineria. A haci inversion den area publico. Turismo ta creciendo. Loke e turistanan ta gasta ta casi 3,5% y loke e entrada pa cada habitacion ta casi 7%. Dus, e inversionnan cu nan a haci den turismo, enbes di amplia e inventario, den cantidad a inverti den calidad.
E confirmacion t’ey cu e proceso di refineria ta andando.Citgo a inverti 280 miyon dollar den nos economia. Richard Arends di AVP a splica riba e plan di inversion cu a inicia cune. Den e area publico y otro inversionnan haci tabata tin diferente meta segun Richard Arends. Inverti den poder di compra tabata importante. Arends ta di opinion cu e resultadonan di prome kwartaal di 2017 ta demostra esaki. Gobierno na inciio a keda sin cobra su dividendo, pero a pusha pa mas penetracion di fuentenan duradero, pa loke ta trata di produccion di energia, a resulta den tasanan hopi reduci di inflacion y esaki tin un conexion directo cu e economia. Ya na Januari 2014, danki na inversionnan di nos empresanan di utilidad, a logra reduci e coriente cu 14% y esey tin su implicacionnan economico cun’e. E contenido cu tin awe ta confirmacion di loke ta wordo poni riba loke gobierno mester cumpli cun’e. Den prome kwartaal caba e meta di economia ta on schedule.
Por ultimo, Sr. Richard Arends a splica cu tur ta cos poni y laga cla, pa cosnan cana bon pa 2018 saliendo for di 2017. Den cuadro di maneho economico tin varios pilar importante cu a wordo poni. E penetracion cu ta wordo mira, banco central ta confirma esaki tambe. Un base solido a wordo laga atras segun Richard Arends