Gobierno di Corsou lo indexer alimentacion pa mucha den un 2,7 porciento entrante prome di januari 2024. E medida aki, estableci den un decision ministerial, tin como obhetivo adapta e cantidad di e pensioen di alimentacion n’e circunstancianan economico actual.
Por ehempel, un tata cu ta paga of ricibi shen florin pa luna den e concepto di almentatie di e yiunan lo mira un aumento di dos florin y setenta cen entrante e fecha menciona.
E derecho na almentatie ta surgi pa garantisa cu ambos mayor ta contribui n’e alimentacion y educacion di nan yiunan, specialmente den situacion caminda cu e mayornan ta separa.
Den tal caso, un di e mayornan sa asumi e responsabilidad principal di e cuido di e yiunan, mientras cu e otro ta contribui financieramente mediante alimentatie di e yiunan. E derecho na alimentatie ta existi te ora cu e yiu cumpli 21 aña. Pero si e yiu ainda ta studiando, e obligacion aki por extende te ora cu esaki cumpli 25 aña.
E suma di e alimentatie ta determina mediante di un decision hudicial of mediante acuerdo entre e mayornan. Segun e Codigo Civil, e cantidadnan estableci ta ahusta anualmente riba e base di un porcentahe di indexering determina p’e Minister di Husticia, cu e fin di refleha e cambio den e circunstancianan economico y e costo di bida.
E ahuste anual aki ta garantisa cu e contribucion financiero ta sigui ta pertinente y adecua n’e necesidad di e mucha.