Gobierno di Aruba, Ministerio di Finansa, Asuntonan
Economico y Cultura, Departamento di Cultura Aruba, Fundacion pa Promove Cultura di Aruba,’Padu Lampe’ ta invita e pueblo di Aruba pa asisti na e ceremonianan di despedida pa Padu. Diahuebs dia 5 di December lo bay tin un programa special prepara pa tur e instancianan envolvi cu a prepara un bunita anochi na honor di Nos Tata di Cultura. For di 6’or di atardi pa 10’or y mey di anochi comunidad tin e oportunidad pa tuma despedida di Padu. Mientras cu e comunidad ta despedi tin un programa cu lo tuma luga simultaneamente, caminda presentacion di canto, musica, declamacion, teatro y baile lo tuma luga. Esaki ta danki na participacion di mas di 100 artista local. Lo tin presentacion di Caha di orgel – Miranda di Nelson Thiel y Javier Maduro; Coro Tutti Frutti bou guia di Sra. Maybeline Arends Croes, Grupo Maracas bou direccion di Sra. Isella Wernet; Grupo Pierewietje bou direccion di Sra. Martha Figeroa; Fundacion Bernadina Growell bou di Sra. Lena Orman; Muchanan Sabi bou direccion di Sra. Edselyne Figaroa; Scol
di Musica Harpa y Cuarta bou direccion di Sr. Edgar Kelkboom; De Trupialen bou direccion di Sr. Elmer Pieters; Festus Bargues; Sr. Nelson Tromp; Sr. Nico Connor cu su sweet pan music; Sr.Miguel Genser; Sr. Jack Tromp; Discurso di S.E. Minister di Finansa, Asuntonan Economico y Cultura Sra. mr. Xiomara Maduro. Riba e programa tambe lo bay tin presentacion tambe di Sr. Livio Herman; Sra. Belen Kock Marchena; Eliyah Tjie – A – Loi y amigonan; Grupo di Baile Rosea Cultural; Sr. Jonathan Vieira; Sra. Arlenne Wever Croes y amigonan di Padu; Sr. Jossy Brokke; Sr. Victor Samuel; Sr. Edwin Abath; Sra. Sharon Rose; Poema di Sra. Ruthy Vrieswijk declama pa Sr. Jhon Freddy Montoya; Club di Movimento bou direccion di Samantha Westra Jupa; Sr. Edjean Semeleer; Sr. Robert Jeandor, Sr. Claudius Phillips. For di Corsow lo bini specialmente Sr. Ced Ride pa duna un presentacion. Ademas lo tin un Recital; di Piano cu presentacion di hoben Alejandro Gonzales; Sr. Victor Camacho; Sr. Norman Moron; Sr. Johnny Scharbaay; Sra. Landa Henriquez acompaña pa orkesta Sandunga cu un Potpourri y un presentacion final di e cantantenan. Comunidad ta ser invita pa asisti na e acto cultural special aki pa duna danki na Nos Tata di Cultura, Juan Chabaya Lampe. Un danki ta bay na tur artista cu a pone nan tempo y talento disponibel pa un bunita programa pa despedida di Padu. Pa duna respet y honor na nos Padu Lampe Gobierno di Aruba ta pidi tur
departamentonan pa hisa halfstok durante e dianan di despedida y tur esnan cu a aprecia Padu masha tanto. Diahuebs mainta Gobierno y hunto cu Fundacion Promove Cultura di Aruba, CCDN y DCA lo duna mas informacion amplio relaciona cu e dianan aki durante conferencia di prensa di Gobierno.