Diamars, Corte den Prome Instancia a dicta sentencia den caso cu e conocido ciudadano Antoni Gario a entama contra Land Aruba, caminda cu Sr. Gario ta perde su caso.
CASO
Dia 18 di september Sr. Gario a entama un caso contra di Land Aruba, pa motibo cu e ta di opinion cu gobierno a kit’e inhustamente for di gobierno. Sr. Gario tabata trahando desde 1 november 2013 na Ministerio di Algemene Zaken, Wetenschap, Innovatie en Duurzame Ontwikkeling, pa e duracion di gabinete Mike Eman II, cual a termina corectamente dia 1 di november 2017, na momento cu gabinete Wever- Croes a asumi posesion di mando. Pero den un carta fecha 19 di januari 2016, Conseho di Minister ta tuma e decision pa manda Gario (overplaatsing) pa Bureau City Inspector (BCI), cu e mesun beneficionan. Den un decision den Conseho di Minister 20 di october 2017 a dicidi pa tuma e arbeidscontractantnan, entre cual Gario, den tijdelijke dienst na BCI.
Gabinete Wever- Croes ta drenta gobierno dia 17 di november 2017 y den un carta di dia 27 di december 2017, Land Aruba ta comunica Gario cu no lo extende su contract, y teniendo en cuenta e decision tuma den Conseho di Minister di dia 20 di october 2017, a wordo ingetrokken pa cual esaki lo no wordo ehecuta. Un otro motibo ta cu e decision aki a wordo tuma durante e periodo demisionario di gabinete Mike Eman II.
PETICION
Gario ta exigi, pa gobierno declara su retiro nulo. Tambe Gario ta pidi pa e wordo tuma bek den servicio, cu forsa retroactivo cuminsando 1 di februari 2018, y cu pago, te cu 2 siman despues di veredicto aki y un compensacion di 38.750,- florin y un boet di 250 florin pa dia cu Land Aruba no cumpli cu e peticion. Tambe Land Aruba lo mester carga cu tur e gastonan e e proceso.
VEREDICTO
Hues ta rechasa e peticion. E ta haya cu Sr. Gario no a wordo nombra ambtenaar, pero mabs bien tabata existi un acuerdo laboral. Segun Land Aruba, esaki a yega na su fin dia 31 di october 2017 (Segun salarisslip) of dia 17 di november 2017, cu instalacion di Gabinete Wever- Croes I. Ta solamente di buena fe, a paga e salario te cu 31 di januari 2018.
Como tal, hues ta dicta cu Sr. Gario lo tin cu cubri e gastonan di e proceso.
Click ariba e link pa e sentencia:Besckking A.W.Gario vs Land Aruba