BEIJING, China – Embahador di e Republica Popular di China na Colombia, Li Nianping, a afirma awe cu e decision di e tribunalnan di husticia di su pais di aplica e pena di morto contra e ciudadano Colombiano Ismael Enrique Arciniegas, ta e ultimo instancia y no lo procede ningun suplica di clemencia of apelacion pa detene dicho orden.
E diplomatico a bisa RCN Radio cu e sentenciado a wordo condena na e pena maximo na 2013, despues di a wordo haya responsabel di introduci cerca di 4 kilo di Cocaina na Juni di 2010, procedente di Dubai.
E embahador a subraya cu desde cu a proferi e pena na Arciniego, el a aplasa den varios oportunidad su ehecucion, brindando tur e garantianan hudicial y e Derecho Internacional Humanitario di equidad y husticia, manteniendo comunicacion fluido cu e canciyeria y autoridadnan Colombiano cu a apela e fayo y a pidi clemencia pa evita su condena di morto.
“Den e caso di Arciniegas, e parti di China a manifestta na principio di buena fe desde su condena te na e orden di ehecucion,” embahador Li Nianping a bisa, kende a resalta cu na e momento ey ey relacionnan diplomatico cu Colombia ta e mihonan den henter nan historia, di cual el a confia caminda cu e hecho aki no alter’e.
E diplomatico a adverti cu su pais no tin como politica mata, pero loke ta busca cu e aplicacion di e sentencia aki ta disuadi e mula y narcotraficantenan cu ta pretende pa infiltra anfetamina, marihuana, cocaina y otro droga sintetico, di cual ta aplica ley cu ta hopi severo cu e delito aki.
El a agrega cu actualmente tin na China 130 Colombiano deteni den prizonnan di e pais aki, di cual 5 ta sentencia na pena di morto. El a añadi cu den e momentonan ey ta negosha cu autoridadnan Colombiano un convenio di repatriacion cu ta permiti nan e regreso na e pais di e personana aki cu ta sigui paga pa nan pena. “E convenio aki ta den su etapa final y nos ta spera pa finalisa e prome simester ta firme,” e embahador a agrega.
Fuente: RCN Noticias