LA PAZ, Bolivia – E minister Boliviano di Gobierno (Interior), Carlos Romero, a confirma diahuebs cu e viceminister di Regimen Interior, Rodolfo Illanes, a wordo “brutalmente asesina” ora cu el a wordo secuestra pa mineronan.
“Nos ta desaroyando e diligencianan necesario pa nan entrega nos e curpa di dokter Illanes. Nos tin un profundo dolor y nos ta solidarisa cu e dolor di e famia,” Romero a bisa den un declaracion na medionan den e Palacio di Gobierno.
E minister Boliviano a confirma cu e declaracion aki, e version cu a circula desde algun ora pasa, ora cu e periodista Moises Flores a bisa cu a wak e cadaver den un sero cerca di e localidad di Panduro, mas of menos 180 kilometer di La Paz, unda cu a bolbe registra enfrentamentonan violento entre mineronan y polis.
Romero a bisa cu Illanes a solicita bay te na Panduro pa por habri un espacio di dialogo cu e manifestantenan cu ta cumpli diahues tres dia di blokeo di caretera pa opone na un ley riba e sindicatonan promulga pa e presidente Evo Morales.
E minister a agrega cu pa distinto medionan di Gobierno a exhorta e mineronan na libera e autoridad secuestra.
Segun Romero, e asesinato a sosode entre 5’or y mey y 6’or di atardi.
“Nos kier no solamente expresa nos profundo repudio pa e hecho criminal aki sin precedente, sino na e mesun momento solicita pa Husticia clarece e asesinato aki y establece responsabilidad,” e autoridad a conclui.
Oranan prome, e periodista Flores a sigura cu el a haya e curpa di Illanes den un sero, mas of menos 50 meter di un toren electrico, unda cu el a wordo wanta pa e mineronan desde mainta.
E mineronan a rechasa e norma pasobra e ta stimula e formacion di e sindicatonan den cooperativo, loke ta considera perhudicial pa e funcionamento di e tipo di e orgnisacionnan aki.
E mandatario awor aki ta reuniendo den e Palacio di Gobierno cu su ministernan di e area politico y durante e dia di awe lo bay duna un conferencia di prensa.
Fuente: NTN24