Conforme veredicto duna, hues a indica cu directiva interino consistiendo di sr. Fredis Refunjol, sra. Helen A Van der Wal, sr. J.M (Jossy) Lacle y sr. Norman Kuiperi, lo bira e directiva permamente pa locual ta Fundacion Parke Nacional Arikok. Esaki ta di acuerdo cu punto di salida di Pais Aruba cu a scoge dos di e miembronan aki cu tabata forma parti di e directiva interino. Adicionalmente, ta sostene grandemente e participacion di e otro miembronan tambe.
E veredicto ta reconfirma 3 punto cardinal! pa locual ta posicion di Pais Aruba esta: E importancia di introduci Bon Gobernacion (Good Governance) den e directiva, e importancia di duna prioridad pa loke ta empleadonan di Parke Nacional Arikok y introduccion di un ‘Raad van Toezicht’ model.
Netamente e 3 puntonan menciona tabata parti di e desconfiansa cu directiva anterior. Considerando e resultado di e caso, Pais Aruba tin tur confiansa cu e bienestar di Parke Nacional Arikok awor por wordo salvaguardia y por cuminsa haci e trabounan necesario pa percura pa esaki. Manera entre otro e ubicacion di 16+ areanan y Parke Marino bou di e organisacion aki.
file:///C:/Users/Owner/Desktop/News%20pa%20Load/AUGUSTUS/20/Uitspraak%20FPNA%20-%2017%20aug%2018.pdf