Durante un conferencia di prensa Gobierno a anuncia cu ta bay elimina dos medida mas cu tin vigente pa algun tempo caba debi na e di tres ola di COVID-19.
Prome Minister mr. Evelyn Wever Croes a splica cu Crisis Team a sinta y a analisa henter e situacion di e cifranan vigente. A yega momento pa elimina algun medida, pero si ta pidi pa sigui cuida y vacuna.
Asina e mandatario a informa cu Toque De Queda ta wordo elimina entrante mañan. Esakai ta conta igualmente pa Gebiedsverbod. Manera ta corda no por tin aglomeracion riba diferente area y esunnan di riba beach y rif a wordo elimina. E gebiedsverbod ta na vigor pa tereno publico. Orario di cierre a bira pa tur negoshi 11.30 di anochi, mientras cu orario di cierre pa casino a bira 1’or di marduga.