Aruba y Hulanda a yega na un acuerdo pa e continuacion di e supervision financiero door di Caft pa e proximo 3 añanan.
Tambe a yega na un acuerdo pa loke ta e normanan di presupuesto pa loke ta aña 2019 te cu 2021. Esaki tin como meta pa logra un finanzas publico duradero.
E protocol ta toca varios tema, incluyendo e futuro di Caft pa Aruba den e proximo añanan. Tin algun punto den e protocol aki, cu durante gobernacion anterior, a keda rechasa y/of evita di bay di acuerdo a base di puntonan constitucional, e gobernaciona actual si a acepta.
PRESUPUESTO
Den e seccion di “regla di presupuesto”, gobierno di Aruba a bay di acuerdo pa tuma medida adicional ariba termino mediano y largo pa asina, structuralmente, reduci e gastonan di personal.
CAFT
Pa loke ta CAFT, esaki lo sigui opera pa sigur un tres aña mas te cu 2021. E unico cambio ta bira e adaptacion di e articulo 14 di e LAFT actual ta regarda e normanan. E ley nobo aki lo mester drenta na vigor prome cu 1 di januari 2019, pero prome cu Conseho di Minister di Reino a aproba esaki. Esaki kiermen cu Hulanda ta keda cu e ultimo palabra. Den caso cu Hulanda cu e LAFt no drenta na vigor prome cu e tratamento di e presupuesto 2019, palabracionnan haci den e protocol aki lo wordo uza como instrumento pa CAFT haci su evaluacion.
Aruba pues lo mester warda te 2021 pa un evualuacion di e situacion financiero di Aruba y pa 1 di september 2021, lo mester tin un decision ariba e resultado. Dependiendo di e resultado aki, Hulanda lo dicidi si e (Hulanda) lo asisti Aruba den haya financiamiento internacional, conforme e acuerdo di mei di 2015.
Begrotingskamer
E punto interesante di e begrotingskamer ta cu Hulanda lo no tin representante den e kamer aki, pa asina Aruba tin su autonomia total ariba esaki.
Protocol Aruba-Nederland