Gobernador di Aruba, Su Excelencia Alfonse Boekhoudt, riba diabierna 28 di januari 2022 a realisa un bishita di trabao na Funadacion Ambiente Feliz. Ta trata di un cas di substitucion familiar estableci oficialmente na october 1986 pa personan cu limitacion mental. Meta di e organisacion ta pa yuda e clientenan, unda cu ta posibel, desaroya nan propio capacidadnan specifico y pa lograun posicion mas normal y igual posibel den e comunidad. Señora Williams-Schmidt ( Directora ) y señora Suhaila Croes ( Hefe di Unidad Cas Briyante ) a ricibi Gobernador Boekhoudt na su yegada. Señor Reuben Tjon Fat a duna discurso di bonbini. Gobernador a asisti na un presentacion tocante con ta trata clientenan y e trabaonan di e fundacion. Seguidamente a haci un recorido den e compleho, finalisando e bishita di trabao cu un foto dilanti di e edificio principal.
- Latest
