Awe dialuna, 25 di September, 2017, Gobernador di Aruba lo bay ricibi varios lider politico den cuadro di e formacion di un gabinete nobo. Entre esnan cu Gobernador lo bay reuni, ta enre otro cu presidente di Parlamento y tambe cu presidente di Raad van Advies.
Despues su reunionnan cu e diferente lidernan politico lo tuma luga, cuminsando cu e prome minister demisionario, Mike Eman, sigui pa lider di MEP, Evelyn Wever-Croes, lider di POR, Otmar Oduber y lider di RED, Ricardo Croes.
Pa diamars, dia 26 di September, Gobernador lo reuni cu lidernan politico di e demas partidonan, esta Riaz, Ursell Arends, lider di UPP/PDA Booshi Wever, lider di Curpa, Christina Lampe, lider di MAS, Holmo Henriquez y finalmente presidente di Banco Central di Aruba.
Despues di merdia Gobernador lo reuni cu director di Directie Financien, sr. Werleman, director di APFA, sra. van Veen, director di AZV, Anko Ringeling y finalmente director di SVB, Edwin Jacobs.
Riba e ultimo dia di e reunionnan, esta diaranson, dia 27 di September, Gobernador lo reuni cu director di ATIA, sr. Ronny van Trigt, mediador di Gobierno Anselmo Pontilius y finalmente cu ex Gobernador di Aruba, Fredis Refunjol.