RIO DE JANEIRO, Brazil- Diahuebs den oranan trempan di mainta a detene e gobernador di e estado di Rio de Janeiro, Luiz Fernando Pezao, den su residencia oficial. El a wordo deteni bou sospecho di soborno.
E operacion yama “Boca del Lobo”, ta concentra ariba e supuesto labamento di placa, crimen organisa y soborno den e oficina di gobernador, segun polis a splica den un comunicado.
Pezao, cu su mandato ta caba 31 di december, ta e ultimo politico di perfil halto implica den e conocido “Carwash”, un investigacion riba sobornonan paga pa un compania di construccion grandi y otro companianan. Desde su comienso na 2014, decena di empresario y politiconan a wordo condena y cera pa casonan relaciona.
E aresto di Pezao ta bin despues di e acuerdo hudicial cu Carlos Miranda, kende tabata consehero di e ex gobernador Sergio Cabral, cu tambe ta den prizon. Miranda a declara cu Pezao tabata ricibi miles di dollar tur luna, di soborno.