Su Excelencia Gobernador di Aruba, Alfonso Boekhoudt a tene combersacionnan consultativo riba diamars, 26 di September, cu partidonan politico y algun organisacion y instancianan di comunidad.
El a papia prome cu e lidernan di e diferente partidonanpolitico, cu segun e resultado di eleccion, no a haya asiento den Staten. Gobernador a ricibi Ursell Arends y Tai Foo Lee di Raiz, Booshi Wever y sra. Ng di e combinacion PPA/UPP y Benjamin Frances di Curpa y a papia tambe despues cu Holmo Henriquez di MAS.
Tambe Gobernador a ricibi varios organisacion y instancianan di comunidad. Gobernador a hiba combersacionnan cu e presidente di Banco Central, sra. Figaroa-Semeleer, director di APFA, sra. Van Veen, director di AZP, Anko Ringeling y e presidente di Sociaal Economische Raad, sr. Geerman y sr. Bijlhout.
foto: ©KABGA