Despues di dos aña y mey cu e website a keda lansa oficialmente, NoticiaCla.com recientemente a lansa su ‘app’ pa smartphone. Durante un encuentro ameno recientemente, Su Excelencia Gobernador Alfonso Boekhoudt a efectua e lansamento oficialmente door di ‘download’ e app riba su telefon. Den un discurso cortico, Gobernador Boekhoudt a enfoca riba e importancia pa no solamente tin libertad di prensa, pero tambe prensa independiente.
UN APP
App ta e abreviacion pa ‘aplicacion’, y ta un software (un programa) cu ta permiti bo smartphone tin acceso na NoticiaCla como si fuera e tabata un website. Beneficio y diferencia di tin un app, ta e.o. cu e ta mas accesibel door cu e ta 1. Riba bo telefon (a proba cu 90% di hende awendia ta sigui noticia riba nan smartphone compara cu nan desktop of laptop), e ta mas lihe, mas facil, ta dunabo e oportunidad pa ricibi ‘breaking news’ riba bo telefon, bo por share (comparti) e noticia cu bo amigonan di un manera mas facil. Y constantemente e ta innova tambe segun tempo. Na caminda tin e posibilidad pa bo ahusta e site na bo preferencia esta personalisa bo app, por ehempel, bo tipo preferencial di noticia (p.e. local so, di politica, social etc).
CON PA HAYA E APP
Awendia e plataforma mas popular y mas uza pa un app, ta via un smartphone Apple y android. Cada uno tin nan ‘tienda’ unda cu bo por haya e app gratis. Pa apple, e usuario ta bay den e apple store (app store) mientras cu pa usuarionan di android, por haci esaki na e Google play store. Ambos ta ofrece e app completamente gratis. E app di noticiacla ta disponibel caba riba e app store, mientras cu e siman aki esun pa android ta bira disponibel tambe.