DEN HAAG – Gobernador Alfonso Boekhoudt a ricibi un verslag cu a wordu compila door di Roy Hart y Angelique Thode durante di su bishita oficial na Cas di Aruba.
Den presencia di Minister Plenipotenciario Guillfred Besaril, Roy Hart funcionario encarga cu e departamento di “Economische Acquisitie” na Cas di Aruba a hasi entrega di e relato.
E relato ta ensera e trabaonan cu a wordu ehecuta durante cu Gobernador Boekhoudt tabata Minister Plenipotenciario na Hulanda. Sr. Hart a duna un splicacion riba e relato cu ta duna un sumario di e eventonan cu a wordu organisa na Cas di Aruba pa atrahe compania Hulandes pa inversti na Aruba. Evenementonan na unda ex-Minister Alfonso Boekhoudt a duna presentacion na diferente compania Hulandes. Tambe e relato ta elabora riba e mission comercial di Reino pa Cuba, e sosten di projectonan pa Gobierno di Aruba.
Gobernador a aprecia e relato caminda esaki ta keda como un bon recuerdo pa su persona. Gobernador Boekhoudt na e ocacion aki a enfatisa e importancia pa Aruba por participa na misionnan comercial di Reino cu por ta na beneficio di nos pais.
Potret ta cortesia di Cas di Aruba.