CARABOBO, Venezuela- E sindicato di Trahadonan di Prensa (SNTP) dialuna a denuncia cu e periodista Venezolano Heberlizeth Gonzalez, reportero di e portal Analitica, a wordo intimida pa funcionariona di e Guardia Nacional Bolivariana.
“Nan a apunta un arma ariba dje, nan a kita un di su dos celularnan y a maltrata e chauffeur”, e sindicato a adverti ariba Twitter. E suceso a tuma luga dia 10 di mei ultimo.
E periodista, segun e denuncia di e organisacion no gubernamental Espacio Publico, a cubri un manifestacion den e sur di Valencia, estado Carabobo y e represion di efectivonan policial den e zona. E funcionarionan a pone delete henter e material audiovisual cu el a recopila.