Crisis Team di DVG y stakeholdernan a subi caya diadomingo anochi y a tira controlnan di sorpresa. E prome cu a bay na dje tabata Gleny’s Corner na crusada di Avenida Alo Tromp y Emmastraat.
E luga tabata pata pata di hende. Nan no tabata cumpli cu regla di aglomeracion. A pidi cooperacion di polis pa yuda saca e hendenan afo y pa despues cera e luga.
E funcionarionan no por a kere nan wowonan na momento cu a drenta paden y a constata cu tabatin sigur mas cu cincuenta hende den e establecimento chikito.
Autoridadnan ta bay traha un rapport y lo dicidi despues si ta impone un boet riba e negoshi aki.