Docente di gymnastiek, Sr. Glenn Lande, a bisa cu tur dia nan ta traha di 7’or y 30 te cu 2’or y 15, tin biaha te cu 3’or y sin cu tin un gymzaal. Tin biaha mester busca un otro localidad, cual mayoria di tempo ta den solo. Studiantenan cu ta haya les di gym mas laat, no por mas. E calor ta inmenso y aña tras di aña e calor ta birando mas pio. Si cos sigui asina, nan no sa mas te con leu nan por wanta.
Durante 20 aña cu EPI ta existi, durante e proyecto di FDA, tabata tin un bestek cla, pero tabata tin otro prioridad. Nunca EPI no a haya nan gymzaal. Algun aña atras, nan a priminti EPI un overdekte, pero awo nan ta haya tende cu no tin placa pa esey mes.