Den Parlamento Latino Americano, parlamentario Glenbert Croes, a splica kico ta e desaroyonan cu ta bin pa loke ta salud, na momento di trata e tema di cannabis pa e wordo trata como un remede pa cura hopi cos. A tuma un decision cu December lo bay haci un di e pronunciamentonan, cu mas grandi pa Aruba di contribucion di kico lo ta e desaroyo di e debatenan cu lo por tuma luga na Aruba tambe. Obviamente lo ta un tema cu no a tuma ningun decision final riba dje. Lo tin cu papi’e internamente den seno di Partido.
Lo tin cu papi’e den Parlamento, pero tambe tin cu papi’e den henter nos comunidad. Na e momentonan aki, mirando riba noticianan internacional, e programa special di Dr. Gupta, un di e desaroyonan cu mester wordo considera, cu tambe na Aruba, ta e hecho con den un forma corecto y estricto, den cooperacion entre ministerio di salud y ministerio di husticia, lo por den un forma corecto estrictamente pa rasonnan medico, mira si e estracto di cannabis of loke nan ta yama popularmente marihuana, e azeta, pa rasonnan medicinal, no pa recreo, lo por ta un di e opcionnan pa wordo hinca den nos sistema di salud pa motibonan medicinal y terapeutico, pa cancer, pa glaucoma y otro enfermedadnan cu hopi hende a cuminsa haya alivio na dje.
Esun cu por a sigui e caso di loke nan ta yama e caso di Charlotte, cu ta un mucha muhe di 3 aÒa cu tabata sufri di atakenan epileptico. Con a weita cu e extracto di e azeta medicinal di Cannabis, a wordo converti den e alivio y kisas cura pa e caso di e baby Charlotte, den casi 200 atakenan epileptico cu e tabata sufri pa dia. E punto di Croes ta cu no kier comete eror di ningun otro hende di presenta algo y purba di impone algo riba nos comunidad.
Croes ta habri discusion pa den nos comunidad pa den senonan politico habri discusion, den nos parlamento riba nivel di gobierno, habri discusion, riba un discusion cu Croes ta kere ta bale la pena pa hiba pa asina nos como pueblo tuma un decision riba nivel politico y Gobierno, pa tuma un decision, unda cu ta kere cu ministerio di husticia mester bao di pasa estricto supervision, pa percura pa e keda un asunto intachabel y impecabel cu no por tin mancha scur rond di e industria aki. Ministerio di Salud pa e tema di e necesidad pa e sector di boticanan, landslaboratorium, hunta un rol pa wak con lo por estrictamente pa asuntonan medicinal, uza e estracto di Cannabis pa tratamentonan di cancer, glaucoma, epilepsia, fibromalgia y otronan. Obviamente e ta un tema delicado, pasobra MEP no ta kere cu nunca e parti recreacional mester wordo legalisa, esey ta e posicion.
Loke si ta bisa cu ta mira e desaroyonan na mundo y na San Salvador, Uruguay, cu ta e pais cu prome a tuma e pasonan aki, a brinda un marca huridico cu Croes a trece cun’e pa discuti’e internamente prome. Toch ta kere cu ta necesario pa na Aruba cuminsa discuti, pensa si pa rasonnan medicinal esaki lo ta un opcion pa Aruba. E Parlamentario a splica cu personalmente e ta pensa pa cuminsa pensa riba e direccion ey, pero e no ta bay un dos y tres. Tin cu percura pa e wordo haci bao di e supervision y normativanan mas estricto necesario, unda cu fundamentalmente ministerio di husticia y ministerio di salud lo hunga un rol fundamental, segun Parlamentario Croes.