Durante un conferencia di prensa di partido MEP, caminda Sr. Glenbert Croes a amplia mas ariba e dunamento di tereno ilegal door di gobierno.
Segun Sr. Croes, Ministerio Publico ta mas leu cu loke hopi di nos ta pensa, no solamente ariba Minister Benny Sevinger y probablemente otro dos minister mas, unda cu lo mester bay carga su consecuencianan. Loke ta importante, segun Croes, di e resultado di eleccion ta cu nos mester di un gobierno nobo, un gobierno integro, un gobierno cu ta bay a base di transparencia y ta honra derechonan di nos pueblo. Un gobierno cu ta yuda nos pueblo.
Segun Sr. Glenbert Croes, e gobierno integro y transparente ta loke e pueblo ta anhela. Un cos ta sigur, e empresa criminal di AVP di corupcion di e ultimo 8 añanan cu a causa e desaster di pa nos pueblo y e futuro di nos yiunan, ta un experiencia cu no mag di ripiti.