Gobierno no a kibra contract di hedging si no a para esaki dijs pa avp bisa cu e baha e prijs di awa y coriente pa por core eleccion cun’e pa cual despues di eleccion lo bin cu e sorpresa segun Sr. Glenbert Croes.
Sr. Glenbert Croes kier a alerta e pueblo, cu door cu gobierno y WEB a pospone e contract di hedging, pero no a kibra e hedging, y nan a haci esaki den un forma cu dne e lunanan aki tin hopi cas unda awa y coriente ta bay baha. Pero manera e ta programa, cu fuente di Sr. Glenbert Croes, e ta poni pa e keda abao den e par di lunanan cu kisas lo mester bay wak, prome cu eleccion. Pero door cu a pospone e contract di hedging pa un aña, pa duna WEB rosea y esaki ta un abuso, pa tene e prijsnan halto na un manera fictisio, mientras cu prijs di petroleo ta na 50$ y WEB tin’e na 90$ basa ariba e contract di hedging. Despues di eleccion lamentablemente, sr. Croes ta bisa, e pueblo lo mira e subida den prijs di awa y coriente, na un manera severo.
Si pa 8 aña largo, a tene e prijs di awa y coriente halto, ora cu gobierno bisa cu lo baha e prijs di awa y coriente pasobra e recibo di awa y coriente , ta algo cu un gobierno cu a bira ciego y sordo sin sentimento pa e pueblo, no ta realisa e recibo di awa y coriente ta un di e gastonan mas halto di e comunidad di Aruba.
E unico manera di stop e wega aki, segun Sr. Glenbert Croes, no ta di pospone e contract di hedging, pero kibra e contract di hedging pa asina bay bek na un prijs di awa y coriente na prijs di mercado. Unda cu prijs di petroleo ta abao, unda cu e recibo di awa y coriente e lo por ta menos di mitar di loke ta pagando actualmente
MEP ta pidi pueblo e confiansa, ya cu si vota pa AVP ta vota pa un prijs di awa y coriente cu kisas pa 8 aña a ten’e halto, y den porta di eleccion kier baha e prijs. Pa ora cu e contract di hedging bin bek na vigor, e prijs lo bolbe subi. SI vota pa MEP ta vota pa kibra e contract di hedging. Ta vota pa baha prijs di awa y coriente, y tambe pa e vision di clean energy pa asina WEB y CITGO desaroya nan programa na momento cu tin un refineria operando a base di gas, un WEB operando a base di gas pa elimina e factor di brandstofclausule, cu ta e factor di e fluctuacion di prijs di petroleo. Esey ta fundamental pa permanentemente baha un di e gastonan mas grandi pa tur famia na Aruba, pa baha e prijs di awa y coriente permanente.
Pero segun tin entendi, e contract di hedging lo mester caba e aña aki, ya cu e ta firma pa 3 aña, pero segun Sr. Croes, nan fraccion a compronde cu e contract a wordo posponi. Si e contract a wordo posponi, e tarifa di petroleo mester a bay na prijs di mercado. Pero kico gobierno a haci? Pero nan ta tene ficticiamente halto pa WEB y Elmar hala rosea di e problemanan financiero.
E gastonan cu WEB a haci, tur e sponsornan , tur e inversionnan, tur e conferencianan , pero tambe den e pipeline pa EcoGas, unda cu ta WEB a inverti e placa ey y ta WEB a hinca su mes den problemanan financiero pa cumpli di deseo di gobierno, pa cumpli cu instruccion di gobierno.
Despues a bah’e un tiki, y aworaki, si ripara e recibo proximo lunanan lo cuminsa baha, pero ora cu caba di pospone, ta yega un momento cu e contract lo reactiva, Sr. Glenbert Croes di partido MEP a splica.