Minister Glenbert Croes, desde cu nos problemanan social a rementa den cara di nos Pais a realisa e importancia di por expresa y ofrece bo ayudo y gratitud na tur esunnan cu a of ta trahando incansablemente pa bienestar di nos hendenan, contribuyendo nan granito di arena den un problema social grandi cu nos Pais ta confrontando.
E mandatario, conhuntamente cu Barceló hotel cu a host e evento aki, a ofrece un almuerso na e palancanan di nos Pais, nos grandinan. Conciudadanonan ehemplar cu a yuda construi e fundeshi di un bunita Pais. Y awe, nos como e continuacion, mester percura pa salvaguardia locual nos a hereda.
E cartera di Asunto Social a habri aun hopi mas mi miras y vision riba loke ta e futuro di nos Pais y e curso cu ami lo kier wak. Pero prome cu enfoca riba e futuro, bo mester bay bek y gradici esunnan prome cu bo cu a laga tras locual awe abo ta gosando di dje. Na mes momento e ta pone un responsabilidad riba nos lomba pa sea surpasa of al menos iguala e herencia aki, pa asina nos yiunan y nos nietonan por tin un pais trankil, sano, sigur y stabiel pa nan por biba aden.
Di e forma aki mi kier a bisa nos grandinan danki pa tur locual boso a haci y keto bay ta haciendo pa nos Pais.
Un reconocimento special na mi Conseheronan Darlaine Erasmus y Gregorio Geerman pa e bunita trabou cu nan ta desplegando inculcando amor y balor unda antes tabatin negligencia y indiferencia.