Relaciona cu e caso caminda cu su yiu a wordo difama na scol, sra. Gladys Croes-Saladin, mama di e mucha, ta trece lo siguiente padilanti na presidente di Simar, sra. Sheila Lazo-Tromp.
“Ami, Gladys Croes-Saladin, mama di Gavin Saladin, no a difama niun juffrouw. Juffrouw A.L. ta esun cu a difama mi yiu!!!
Dia cu nos a papia cu hoofd presente, A.L. a te hasta bisa cu a yuda pa yama Gavin pa gay pasobra el a sinta keto keto.
Dia A.L. a bin traha bek el a bay cas (a.o.) of hoofd a mande cas bek.
E ora ey e maldad a cuminsa.
A.L. a yama na telefon algun mayor di mucha cu ta den klas di Gavin, anto papia di mi yiu cu nan. Bisa cu mi yiu ta mishi inadecua cu nan yiunan!!!!. Cual no ta berdad pasobra nunca scol a yamami cu Gavin ta haci esaki.
Sociale werkster y hoofd di school a geef aan tambe cu no ta berdad na mi persona y mi abogado y inspecteur di onderwijs locual A.L.ta papiando di mi yiu. No tin niun record caminda cu esaki ta berdad den niun raport (map) na scol. Dus ta A.L. a cuminsa gaña riba mi yiu di 10 aña!!! Door cu ami a haya sa kico ta pasando mi a bay prensa.
Poco poco mas cos a bin na cla kico ta locual A.L. a papia den klas cu e muchanan.
Cual tin mas caso cu A.L.a papia masha mahos cu otro muchanan tambe, ta pesey mes ta andando un investigacion.
Ami como mama gewoon no por kere con Simar ta durf di defende un acto asina, aunke cu A.L. ta boso miembro. Ora bo ta fout bo mester wordo coregi.
No e mucha ni e mama ta fout.
Ta A.L. cu a cuminsa cu tur e cos aki di 2 dia di aña escolar nobo!,”