GKMB no kier duna boet. No lo gaña cu e aña aki lo haci’e tampoco.
Ta birando asina cu tur por tin un criadero of dos, e por pasa. Den pasado a haci’e asina tambe cu ta tuma nota cu tin casnan cu tin promedio di tin 30 pa 40 criadero, nan a haya boet. E procedura ta duna asina si cu mester tene bon hustifica, bon documenta y tin’e asina aki y por bis’e pa sigur un cantidad di adresnan cu a haya dos biaha un cantidad di criadero, den dos diferente aña y nan por conta cu nan lo bay haya un bishita. E prome areglonan ta poni riba mesa y nan lo bay haya un bishita sorpresa sin duda pa hala nan atencion, mirando cu e manera mas humano, e manera cu ta bisa papia cu un hende, pidi cooperacion, no ta funcionando, e siguiente stap ta mishi den cartera. Si mester yega asina leu cu e opcion ta ariba mesa, e adresnan lo cuminsa wordo prepara pa wordo bishita, segun Croes.
E ta sigui menciona cu hopi biaha den e casonan aki ta adresnan cu e no ta un simpel hende cu tin dos criadero. Ta papiando aki di cantidadnan grandi. Ta hendenan cu ta haci tipo di trabaonan di agricultura, como un bon ehempel, of ta hendenan cu por ta no tin e conocemento debido, ta colecta awa den cantidadnan grandi y no a tuma bon atencion di esaki, ta bira un problema. No ta casonan peculiar cu ta djis un doño di cas, cu por ta ta cria su matanan y tin algun criadero, no ta e caso aki. Ta casonan cu ta criaderonan di cantidadnan grandi y por bisa cu ta hopi adres. Hopi di nan ta dehado. Por ehempel un compania di construccion tin diferente baki y kerosin cu no ta wordo uza y ta benta riba tereno, patras di e edificio y caminda grandi, no ta tuma nota di esakinan, pero full e bario tin molester. Esaki ta e parti proactivo cu GKMB ta move den e diferente barionan y ta tuma nota di esakinan. Nan ta trece paden y sigur tin diferente adresnan cu tin cu wordo bishita, cu ta casonan extremo, cu eenmaal tin cantidad di criadero, causando problema pa salud publico en general, sigur conta cu e bishita pa mas cu djis un advertencia, cu tin cu cuminsa pasa, segun Clayton Croes.