Director di Departamento Naturalesa y Medio Ambiente Sr Gisbert Boekhoudt a splica riba e prohibicion di spearfishing unda e arma ta prohibi pa ser usa den lama. E prohibicion aki e ley a keda institui den pasado specificamente pa coral y e bestianan maritimo cu tin e peliger di extencion pesei e parti aki a bin na vigor sr Boekhoudt ta bisa. Aunke cu tin e prohibicion tog tin hende na Aruba tin esaki y e ta drenta Aruba y te hasta e ta keda gehuur na turista, e prohibicion no ta pornada pa un cambio di ley di e prohibicion di pesca tin un proceso cu mester bay parlamento, pa e cambio di ley y garantisa e control con e ta drenta, cuanto ta drenta kende ta e usuario y cuanto un usuario por tin bou di dje pero tambe mester regla na unda e piscado y cua ta e piscadonan cu a bin na remarke na e instrumento aki pasobra tin diferente metodo di piscamento y esaki ta un di nan. Banda di esaki sr Boekhoudt a menciona cu mester bin un palabracion den ley cua pisca y ki tamayo y tambe pa temporada y e luga, cua luga den lama cu no tin coral. Desde tempo cu tabata tin pa cambia e ley un parti basico di dje ta cu mester bin cu research pa haya e informacion aki y den pasado esaki a keda puntra, y esaki no a tuma luga relacion cu e pisca y e luga y e cantidad ta necesario. Tambe ta necesario kende ta e steakholdersnan y e usuario pa yega na otro cu e usuarionan aki, pa e informacion genera cerca di e steakholdersnan pa tene cuenta cu tur cos den e proposicion nobo. Sr Boekhoudt a menciona cu e kier pone enfasis cu e prohibicion di spearfishing ta pa proteha e coral y e bestianan cu ta biba bou di lama y ta caba den peliger di extincion.