Futbol di hende muher ta creciendo liher ariba nivel internacional y esaki ta un desaroyo fantastico. Tambe na Aruba e deporte di futbol femenino ta creciendo cual sin duda ta un bon desaroyo. Pa sigui encurasha e desaroyo aki, Arubaanse Voetbal Bond ta organisa un Aruba Women’s Football Expo cual lo tuma luga 20 di November na Renaissance Convention Center.
Soccer Institute Aruba (SIA) tambe ta apoya e iniciativa aki completamente y tambe ta aporta pa yuda atrae mas mucha muher y hende muher pa e deporte di futbol. SIA lo ta presente na e Expo diadomingo 20 di November cu un booth pa por duna informacion y atende tur e hende cu kier sa mas di esaki. SIA ta invita tur hende pa pasa bishita e Women’s Football Expo y apoya e iniciativa aki di AVB y yuda haci e proyecto aki un exito.
Soccer Institue Aruba ta un scol di futbol cu a ser funda na aña 2015, pa un grupo di profesional, cu experiencia den enseñansa di e deporte aki, den fasenan formativo aki na Aruba y na Hulanda.
SIA tin un ekipo tecnico altamente cualifica cu experiencia den training internacional. SIA su meta ta pa mehora e habilidad tecnico den muchanan entre 6 cu 14 aña, dunando e muchanan aki entrenamento supplemental, banda di nan entrenamento regular cu nan club. SIA a diseña programanan specifico cu e meta di mehora e nivel di conocemento di futbol y di tecnica di e atletanan hoben.
Pa mas informashon por email [email protected]