Den bario di Picaron na Santa Cruz den un mondi, a bin haya e mini santana di taira cu ta trece peliger pa formacion di criadero di sangura. Gino Kuiperi di Serlimar a splica cu nan a haya yamada di GKMB di un situacion di sushedad, caminda cu tin pata pata di sangura, cual ta increibel. A fumiga eynan y ta un desaster loke nan a haya. Dialuna a bay haci eynan limpi, pasobra ta algo hopi peligroso y esaki si ta trece malesa.
E ta sigui splica cu pueblo mester ta mas cauteloso cu loke nan ta haci. Caminda cu nan a bay, ta mustra cu ta un compania ta bentando e tairanan aki. Esaki no ta algo di hende normal. Ta tairanan di heavy equipment nan ta.
Segun Kuiperi, ta bay manda peticion pa DOW pa wak si por haya boulders pa blokia eytras y pa ningun hende mas bay eyden. Pa awor aki esey ta un solucion cu nan tin cu tuma di biaha.
Den e caso aki bisiñanan mes a meld e caso aki, segun Kuiperi. Si nan por duna cuenta ta ken ta doño di e trucknan ta hopi bon. Por yama Kuiperi mes cu por yama ta 6404200 of por yama Serlimar tambe na 6405080 y puntra pa Gino Kuiperi y lo atende e caso di biaha.
Hendenan ta reclama pero ta hende mes ta haci’e y a yega tempo pa cuminsa duna boet, esey sigur lo ta e solucion.