Tin hopi caso ta pasando na Aruba cu tin hende sin experiencia ta cuida nos grandinan segun Gino Goeloe di Wit Gele Kruis.
E ta splica cu den e caso di un di e casnan priva, a bin topa cu un pareha cuidando di hende grandi. Wit Gele Kruis a bin ta vocifera pa basta tempo cu tin casonan asina ta pasando. Pesey for di e tempo ey caba, Wit Gele Kruis a busca manera pa bin cu un ley y ta contento awo cu tin un ley cu a pasa aña pasa. Pero den e caso aki, prome cu e ley aki bin na vigor, ta aki un aña pa un aña y mey, caminda cu ta duna e casnan priva un manera pa upgrade nan personal y tambe pa cumpli cu e higiena cu mester tin y tambe na e siguridad den e cas, den casonan di candela, etc. Tin hopi cos cu mester cumpli cun’e. Atrobe Goeloe ta bisa cu e yiunan cu ta hiba nan mayornan na un cas di cuido, semper mester puntra ken ta traha den e casnan aki. Ki sorto di profesional. Den e caso aki nan ta profesionalnan di enfermeria, of nan ta asistent di enfermeria. Pero mester tin algo cu tin cuido, enfermeria den dje. No por ta zomaar cuida, habri un cas caminda ta cuida hende. Esey ta locual cu tin awor aki, cu sigur Wit Gele Kruis ta contra. Mester tin un opleiding riba nivel dos te nivel tres pa cuida hende grandi. Esey ta un opleiding cu ta wordo duna na Aruba mes, cu ta un opleiding di tres. Tin nivel dos cu ta dos aña, unda cu ta siña cuida hende. Tambe sa di remedi, sa kico pa haci ora hende haya atake di curason. Actualmente no tin nada di eseynan. Esey ta algo di lamenta y locual cu a pasa, sigur Wit Gele Kruis ta lamenta cu esey a pasa, den un di e casnan priva. Ta keda na e yiunan pa wak, avisa, puntra e doño di e cas priva, cu ki sorto di personal ta trahando den e casnan aki, segun Gino Goeloe.