Gino Goeloe di Wit Gele Kruis: Bebe, huma y come malo no ta bon pa bo salud

Ta hopi importante pa nos hiba un estilo di bida saludabel. Esaki sigur ta exclui bebemento, humamento y comemento for di sla, esta no saludabel. Pa e parti di humamento, director di Wit Gele Kruis, Gino Goeloe, a splica cu humamento ta cera bo adernan. Ora e adernan cera, bo tin mas riesgo pa haya un stroke of un atake di curason y esey ta comproba mundialmente, cu humamento ta cera bo adernan. Esey ta nifica cu den e temporada calor aki, pio riba dje, cu bo ta huma den un clima calor. Esey ta mas pio pa bo salud. Pesey di parti di Wit Gele Kruis, ta indica cu baha man cu humamento y te hasta stop cun’e. Awendia tin hopi bals y patch di nicotina, cu por uza cu bo por kik af di e humamento.

Fastfood y alcohol
Ta algo comproba tambe, si nos mira Merca, tin hopi fastfood y esey ta algo cu si wak e parti aki tin hopi caso di stroke y tambe atake di curason. Tin cu bisa cu atake di curason ta e asesino number 1 di mundo. Aki na Aruba ta mesun cos. Aki na Aruba tin 56% di nos hendenan, ta muriendo di atake di curason of atake celebral, cu ta algo, den e caso aki, hopi halto pa un isla chikito di 100 mil hende. Pesey ta bisa cu tin cu pone enfasis riba locual cu ta come y loke nos ta bebe. Alcohol tambe ta algo cu ta wordo hopi uza na Aruba. Sigur ora nos wak durante finnan di siman cu tin hopi accidente, hopi palo di luz ta wordo ranca, cual tin cu bay baha man. Tin cu baha man na alcohol, pasobra e ta haci hopi daño na bo mes y na otronan cu ta den e comunidad aki. Un inocente cu ta bin cu su auto, un persona burachi ta bin dal frontal den dje, desgraci’e, por ta hasta e persona por bira paralitico. Tin cu baha man na alcohol. Si bo ta bebe, bay cu un persona cu no ta bebe. Den e caso aki na Hulanda, nan ta yam’e e BOB, akinan nos ta yam’e Bobby, Janchi, ken cu ta, pero bay cu un persona cu no ta bebe y cu por core bo auto pabo of laga bo yiu of bo partner bahabo, of bo ta coy un taxi of laga bo yiu of pareha buscabo.
E mescla den e caso aki ora bo ta come malo, come fastfood y tambe bo ta huma sigaria, bo ta bebe alcohol, ta un estilo di bida cu ta wak’e aki na Aruba, cu nos hendenan no ta cushina mas na cas. Pasobra nan no tin tempo. Awendia tur cos ta bira rush rush, trabao, yiu, pero tin cu cuminsa pone tempo na bo curpa, pasobra den e caso aki bo curpa ta sagrado. Bo curpa tin cu wordo cuida. Ta un curpa bo tin y den e caso aki ta abo ta responsabel pa cuida bo curpa. No ta bo mama, ni bo tata, ni ruman, minister of parlamentario, pero bo mes mester cuid’e. Esey ta algo cu mester cuminsa concentra riba dje, segun Goeloe.

Comments

comments