Gina Maduro di ABV despues di basta luna a logra cera un tremendo CAO

Gina Maduro di sindicato di ABV durante conferencia di prensa a duna di conoce ta un dia grandi pa nan como sindicato unda cu ta representa miembronan laborando na hospital, respaldo, FSLMA y bloedbank. Un negosacion di un duracion di 3 aña y ta un negosacion cu a dura 20 luna y tabata tin su retonan y su momentonan y diferente situacion cu a tuma luga cu a haci cu tabata tin tardansa y a bin cu e cao di nobo y mester a warda presupuesto. Tur e trahadonan laborando na hospital y fundacion menciona ta hopi contento cu porfin nos ta firma e cao di tres aña y e tardansa no ta pornada y a duna su resultado.

E protocol ta di 2019 pa 2021 cu diferente puntonan cardinal pa e clase trahado unda tur trahado a bay cu stapnan grandi dilanti, pa loke ta pensioen, unda den pasado pensioen tabata un problema debi e primanan tabata abou, y ultimo añanan semper a tira mei porciento y cu e cao aki porfin entrante 1 Januari 2020 e dunado di trabou ta hisa su parti di 9 pa 9.25% y e clase trahado ta hisa su 2.5 pa 4 % y per 1 januari 2021 e 9.25 ta bira 9.50 y per 1 Januari 2022 e ta yega 10% y e trahado ta yega 5 %.

A conoce algun aumento tambe pa luna di December bonus di 780 pa 900 florin y pa 2020 di 900 e ta bira 1000 florin y pa 2021 pa un bon funcionamento e ta bira 1100. Esei ta bay ta e adelantenan di bonus.

Pa tur trahado cu ta den servicio di hospital tambe a keda cera un seguro cu ta cubri nan gastonan di entiero y ora bo bay cu pensioen desde e aña aki e trahado por kies pa regla su pensioen.

Sra Maduro a duna di conoce un di e beneficionan cu a regla pa e trahadonan tambe ta e AO durante 1 aña full di Ao bo ta keda cubri 100% y despues e ta baha pa 80%.

Comments

comments