Esaki ta siman di enfermeria na Aruba, cu ta cuminsa dia 6 te cu 10 di mei. E ta un dia proclama danki na ODEA.
Sra. Gina Maduro ta dedica un poesia na tur enfermero di hospital, Respaldo, FSMA, Bloedbank, IMSAN, SABA y otro instancianan. E tema di e siman di enfermeria ta “The voice to lead”
Y na Papiamento e ta “Un bos pa lidera”
Un bos pa scucha. Salud pa un y tur y asina mester ta. Un lucha duro, pero cu mester ser logra. E enfermero of enfermera esun prome cu e patient ta contempla. Esun cu pa su mes mester tuma medidanan apropia pero cu tambe pa cu otronan haci mescos e mester percura. Y asina hunto e calidad di cuido pa patient ser garantisa. Esnan den posicion di haci cambio mester realisa cu e unico forma cu e cambio por ser logra ta ora nos tur practica loke nos ta predica. Logrando salud pa un y tur sin importa ken e patient ta. Enfermeronan pabien y hopi bendicion, sigui semper cu e bon trabou sin condicion. Dunando e patient e maximo di bo mes na momento cu e mester di dje di nobo y cada bes.