Gina Maduro ABV: Nos no ta acepta agresion na SEH

Sra Gina Maduro presidente di ABV a comenta unda prensa a puntra dicon na Imsan Centro Medico si no tin keho y Hospital si. Sra Maduro a bisa cu no por compara e post di Imsan hamas cu un SEH e populacion na SEH ta hopi mas halto cu e populacion cu Imsan ta mira, y unda SEH mes ta saca man pa Imsan debi cu nan ta traha den e parti laboratorio, radiologia, pero Imsan mes ta manda pashent hospital pasobra nan falta e departamento di radiologia y laboratorio 24/7 y nan mes ta duna mitar servicio. Hopi pashent tanto durante dia, atardi y anochi ta wordo manda pa Eerste Hulp 24/7. Pashentnan cu por bin cu nan propio vehiculo y otronan cu por wordo transporta cu ambulans.

Sra Gina Maduro a duna di conoce cu tur pashent cu presenta na SEH ta keda registra pasobra bo tin cu registranan prome y ta wordo mira via e triage. Mester chek temperatura, presion, pols, saturacion y tin cu haci cierto preguntanan y eynan bo ta bay abase di bo triage den e sistema paden y no pafo na balie. Pesei tur pashent ta pasa den e proceso di triage y eynan e ta wordo gescreen y ta wak su emergencia.

Kico ta e problema di Aruba compara cu Hulanda.

Na Hulanda bo tin un Hap cu ta 24 ora habri y eynan ta alcontrario di loke ta sosode aki na Aruba. Aki tur hende ta presenta na SEH y eynan ta mira si e tin cu bay dokter di cas of no. Na Hulanda ta net robes pashent ta yega na HAP cu ta un dokter di cas, y eynan e dokter ta evalua e pashent y eynan e ta wak si ta manda e pashent.

Awendia ta conoci cu dokternan di cas ta traha cu un cantidad di pashent pa dia e ta atende den nan productividad, y den HAP ta completamente habri ta tuma mucho mas. Ora cu e porta di HAP habri e ta un poco alivio pa e departamento di emergencia pero ora cu 10 or bati cu e porta cera e unico porta cu ta habri na Aruba ta SEH. E ta bira tur cos SEH/HAP/Opvangcentrum, pasobra nos tin cu soluciona problema di henter Aruba.

Comments

comments