Den fin di siman Gilson Lourens di Olympia Taekwondo Corsou a presenta na Grapefield na e prome training di Brazil Taekwondo Stichting pa e di 6 TK5 Corsou.
Gilson Lourens a bin Aruba pa asina intercambia y papia cu coach Aaron Jacobs di Brazil Taekwondo Stichting tocante di e desaroyo cu tin pa e di 6 TK5 cu ta tuma lugar dia 4 di November 2017 na Corsou. Gilson Lourens lo manda mas informacion ora cu e bolbe Corsou y sinta papia cu e directiva di Corsou tocante di e posibilidad pa team di cadet y junior tambe. Gilson Lourens a haci uso di e oportunidad y a duna un man tambe cu e training na e muchanan. Gilson Lourens ta bon conoci pa e team di Train Hard Fight Smart y ta un bon coach pa e team di Corsou. Gilson Lourens semper tabata tey for di e inicio di e prome TK5, pasobra e idea a nace na Corsou. Cedric Meulens q.e.p.d tabata manera un tata pa Gilson Lourens cu awor ta cana pa dilanti pa e soño di Cedric Meulens q.e.p.d sigui. Aaron Jacobs a bisa cu Aruba ta bay tin un team, pero ainda no a forma esaki, pasobra nos kier tin un team cu atletanan cu curason grandi aden pa asina pela e appel cu Corsou na luna di November.