Diadomingo ultimo Gilia Croes e unico jui di Gino y Ligia Croes y alabes e reina di cas tabata tin un “mascarade party” celebrando su “sweet 18”. Esaki a tuma lugar na Centro di Bario Noord den compania di su famia y amigonan cu un ambiente total brinda pa D’Licious. Gilia Croes un hoben conoci den mundo di deporte como futbolista y tambe den farandula como cantante no solamente a celebra su fecha natal pero alabes ta preparando pa bay studia na Hulanda Juli proximo y esaki sigur a duna e “party” un toke yena cu emocion. Un grupo di close friends di Gilia a haci un bunita baile riba tono di canticanan faborito di Gilia como un sorpresa. Tambe a pasa un video unda e best friend di Gilia, cu no ta na Aruba, a manda felicite y esaki tambe tabata un sorpresa. Despues mayornan di Gilia esta Gino y Ligia a subi stage hunto cu Gilia y a yama tur e entrenadornan di futbol cu a dedica tempo na Gilia desde mucha te awor pa otorganan un bunita recuerdo. Despues di un speech emocional di mayornan cu a touch tur presente deseando nan princess tur cos bon awor cu nan mester habri hala lage bay busca su futuro. D’licious y Jerrino “Bas” a tembla centro di bario Noord te den oranan di marduga. Un fiesta masha masha bunita. Pabien Gilia cu bo “sweet 18” y exito cu bo studio.