NEW YORK CITY, New York – Gilbert Baker, e creador di e bandera di regenboog, simbolo di e comunidad LGTB, a fayece diabierna, na edad di 65 aña, mientras cu e tabata drumi den su residencia na New York, medionan Mericano a informa.
Naci na 1951 na Chanute, Kansas, Baker a ingresa den ehercito na 1970 y a wordo destina pa San Francisco (California) den pleno flor di e movimento pa e derechonan civil y di hende muhe, mescos cu e reinvidicacion di homosexualidad.
Despues di a laga ehercito na 1972, Baker a keda na San Francisco, unda cu el a cuminsa un carera como artista unda cu e tabata tin e bandera di regenboog (1978), su creacion mas celebra y cu el a converti’e tambe den un simbolo recurente di su obra.
Tabata un ocasion di e desfile di e orguyo gay di 1978 cu Harvey Milk, e prome representante electo abiertamente gay di Union Europeo, a encarga Baker diseña un simbolo cu ta representa e colectivo.
Baker a cose algun tela cu e mes a tiña pa crea e bandera di regenboog, cu den su prome modelo tabata tin ocho bara di color y cu mas despues e lo evoluciona na seis, cual a pasa pa posteridad.
E ocho colornan original ta roos (simbolo di sexualidad), e cora (bida), oranje (salud), geel (solo), berde (naturalesa), turquesa (magia), blauw (paz) y biña (e spirito).
Baker a elimina despues roos pasobra su fabricacion ta hopi costoso y a combina e blauw y e turquesa.
Desde su creacion, e bandera di regenboog a converti den un simbolo rond mundo den e pro di e derechonan di homosexual, transexual y bisexual.
Fuente: www.eluniversal.com.mx