Gigiola Gomez engrandeciendo e nomber di Aruba na New York Fashion Week.

Media internacional como tambe personahenan importante a mustra hopi interes y sosten.

New York Fashion Week ta tuma lugar tur aña y ta un di e eventonan di fashion mas grandi na mundo. E aña aki Gigiola http://gigliolagomez.com a haya e oportunidad pa bai e trunkshow hunto cu Valentina Terra https://valentinaterra.com/ y asina nan a forma parti di e actividadnan di New York Fashion Week.

Gigiola y e marca Valentina Terra a hala hopi atencion y a wordo entrevista pa un cantidad di media New York, personahenan di TV a pasa wak e y tambe ela ricibi bishita eynan di entre otro sr. Eduard Malone, representante di ATA na New York cu a bin sostene y aplaudi su creacionan.

Personahe internacional cu tambe a elogia y sostene Gigiola ta Catarina Valentino cu ta un embahadora di diferente marca riba nivel mundial inlcuyendo Aruba, un actris y presentadora, figura publico venezolana cu ta goza di hopi exito. Un di e entrevistanan hopi interesante tawata cu Alex Hermoso, un personahe di NY den mundo di mercado latino y presentador di un show na Telemundo cu ta forma parti di NBCUniversal na Merca. Tambe Gigliola a wordo entrevista door di Annalisa Gesterkamp, representante di e publicacionan Hearts. E cas publiciatrio aki ta responsable pa diferente publicacion di cual enter otro Elle y Cosmopolitan.


Gigiola ta hopi contento considerando esaki como otro logro den su carrera despues cu den pasado e la participa den Amsterdam Fashion Week awor e New York Fashion Week ta un oportunidad unico pa representa Aruba den tur fashion avenues. Esaki ta bon despues cu na luna di juli Gigliola tawata presente na Medellin, Colombia pa e evento di Colombia Moda.
Despues di a bin bek Aruba pa un par di dia Gigiola ta bek na Colombia pa entre otro prepara producion pa un cierto cantidad di eventonan y shows cu ainda falta pa tuma lugar e aña aki. Meimei di tur esaki tambe Gigiola ta focus riba preparacionan di fin di aña unda cu su clientela local ta confia den dje pa e creacionan unico como vestuario pa celebra fin di aña. Sigui Gigliola ariba social media: Instagram y Facebook @gigliolagomez

Comments

comments