Alex Croes di Gianni’s Nutrition a anuncia awe lansamento oficial di Gianni’s CBD Products, un introduccion di productonan deriva di Hemp. A presenta un total di 27 producto, di cual seis ta riba mercado caba, e otronan recientemente a wordo aproba y segun lo ta biniendo cla esakinan lo bay riba mercado local tambe.
E productonan aki ta na Aruba pa prome biaha, na Merca e t’ey pa hopi tempo caba na un manera legal tambe. E productonan aki ta deriva di Hemp. Pa no bruha un cos cu otro segun sr. Croes, esakinan ta productonan deriva di Hemp – un di e cien famianan di planta di Cannabis – pero esaki ta isola sacando tur loke ta aden, sin THC, y otro cu tin 0.2 THC aden cu no por crea un efecto psicotico ni tampoco lo afecta test di droga cu lo Sali positivo na Marijuana/Cannabis.
Ta invita pueblo di Aruba pa acudi cerca nan na Gianni’s pa si tin mester di mas informacion por libremente pasa of tuma contacto cu nan. Na momentonan aki bo por cuminsa haya e prome productonan obtenibel na botica Dakota, Santa Anna, botica di St. Cruz, botica Del Pueblo, Botica Aloe, botica Paradera, tambe na Gianni’s Nutrition Center, na Lindy’s Boutique y Do It Center.