Geward Bikker, hefe di e departamento di IT di Censo a splica kico ta e cambionan cu lo bay spera pa e sistema nobo cu lo bay drenta na vigor pa por duna miho servicio via e sistema di Censo.
Awor aki nan ta druk bezig cu e inrichting cu un scenario nobo. Lo bay tin un plataforma di Microsoft, unda cu e Oficinanan di gobierno den bario lo bay haci uzo di e plataforma aki. Tin 7 stakeholder envolvi den esaki. ITP Caribbean lo bay percura pa e maneho di e infrastructura. Sentric lo bay percura pa inrichting di e scenario nobo, cual actualmente lo ta na Aruba. Tin Setar tambe cu ta percura pa e liñanan di comunicacion cu e Hulpbestuurskantoornan y tambe Reina Agencies cu lo percura pa entrega di e hardwarenan di Censo.
E ta un proyecto di minimo 6 luna, te ainda e ta bay segun plan. For id September cu a cuminsa cu e destaho publico, unda cu ITP Caribbean a gana y Setar y Reina a gana e destaho pa hardware di e proyecto aki.
En total e proyecto aki ta un tiki riba 1 miyon florin hunto. A haci dos destaho publico unda cu a parti e hardware un banda y otro banda tabata e ontkoppeling di e HBKnan. E inrichting y diseño di e infrastructura nobo, cu actualmente ta wordo implementa, tambe ta forma parti di dje. Pesey mester cera henter e sistema. Nan tin cu acopla e sistema nobo riba e plataforma nobo cu a wordo traha door di ITP. Pesey ta spera cu den e dianan aki cu lo ta cera y lo ta for di mainta te anochi druk bezig cu e instalacion pa asina por habri dia 7 bek pa bay live.