Esaki ta resultado di e caso di corupcion den cual e tabata envolvi y pa cual el a wordo condena y a sinta un castigo.
E sentencia aki a drenta ayera y tabata un decision di Hoge Raad cu a confirma e decisión di Hof den e “ontnemingszaak”.
Schotte na 2018 a wordo condena pa entre otro corrupcion y labamento di placa. El a haya un castigo di tres aña y banda di esaki un medida di “ontneming” di 2 miyon florin Antiyano. Durante cinco aña e no por eherce un funcion político.
Despues di a cumpli cu dos tercera parti di su castigo, esta dos aña, el a sali liber aña pasa november. Su pareha tambe a haya un castigo di 15 luna di cual un aña tabata condicional. Ambos a bay Casacion pa nan caso penal, pero esaki a wordo rechasa door di Hoge Raad.
Hoge Raad a rechasa su demanda sin duna motivacion pasobra e no tin base legal y pa motibo cu no tin aspectonan huridico nobo pa cual a bay Casacion.
Schotte a persisti semper cu e placa cu el a recauda tabata pa metanan politico, pues pa su partido MFK y pa p’e mes.