WILLEMSTAD- Ex premier di Corsou, Gerrit Schotte lo mester paga pais Corsou un suma di casi 1.8 miyon florin (Antiyano). Segun hues, esaki lo ta placa cu durante su periodo den gobierno, lo el haya di manera ilegal. Esaki ta segun sentencia di hues diahuebs ultimo. Su partner, Cicely van der Dijs no mester paga nada.
E sentencia aki ta bin despues di un otro sentencia di Schotte den Corte di Corsou. Lider di MFK, e partido di oposicion mas grandi di e isla, aña pasa a wordo haya culpabel di corupcion y soborno como tambe falsificacion.
Schotte lo a ricibi soborno for di e doño di casino Francesco Corallo como pago pa un campaña politico. Tambe Schotte a wordo condena cu pa 5 aña e no mag di tin un funcion publico. El a haya 3 aña di castigo di prizon. Su pareha, Van der Dijs cu a yuda Schotte laba placa a haya 15 luna di prizon, di cual 6 ta condicion.
Ministerio Publico a dicidi tambe di exigi e placa aki cu el a haya di manera ilegal. Corte a mantene e disposición legal bieu na momento di e delito, unda cu ainda no a establee cu lo por impone un obligacion di pago conhunto den casonan penal asina. Incluso, segun e tribunal, ta existi un bentaha conhunto, e placa aki no por wordo reclama tampoco cerca partner di Schotte, Van der Dijs.
Schotte, cu a pronuncia su mes ferviente contra di e intromision di Hulanda, for di 2010 pa 2012 tabata minister presidente di Corsou. Despues di esey, e tabata un biaha mas miembro di parlamento. Ora cu e gobierno di Hensely Koeiman a cay na 2016, Schotte a forma un gabinete interimo.
Durante e eleccionnan cu a sigui, pueblo a straf e politico pa e scandalnan encuanto corupcion y fraude. Eugene Rhuggenaath, un politico di trayectoria ‘limpi’ di e partido liberal PAR, a bira Minister Presidente.