Gregory Milliard ta bek den picture despues di un corto descanso. Gregory Milliard a wordo acerca pa un sponsor potencial di Corsou cu ta kere den su cualidadnan. Despues di a reuni cu su crew y conseheronan y enbista e gastonan halto envolvi pa cu su proximo preparacion pa trata na reconkista su titulo habriendo porta asina kisas den futuro pa por drenta UFC, Gregory Milliard ta cera un deal di un contract di 1 aña cu un empresario di Corsou kende lo bira su main sponsor pa asina yud’e alcansa su meta y vision y provee tur locual e tin mester como atleta pa asina e por bay un next level den e mundo di deporte di MMA. Gregory Milliard sigur a hasi un impacto caba y ta haciendo un tremendo trabou den nos comunidad y muy specialmente cu nos hubentud. Gregory Milliard ta bira e prome atleta local kende su main sponsor lo ta un compania di nos hermana isla Corsou. Mas despues Gregory Milliard lo elabora den extenso di e sponsorship aki. Exito na Gregory Milliard.