PANAMA CITY, Panama – Gerente General di e empresa di Transmision Electroica (ETESA) di Panama, Ivan Barria, a presenta su renuncia, depsues cu dos blackout a afecta pa oranan largo e Ciudad di Panama y Colon y parte di Honduras y Nicaragua.
E secretario di comunicacion di estado, Manuel Dominguez, a informa di e dimision riba su cuenta di Twitter, pero a aclarea cu Barria “lo sigui ta den frente di ETESA” te ora cu e Hunta Directiva “designa su reemplaso y completa e transicion.”
E Minister di Economia y Finansas, Dulcidio de la Guardia, kende ta presidi a directiva di e empresa estatal, a bisa den un radio local cu entre diabierna y dialuna awo, nan lo ta debatiendo e asunto aki.
Dos blackout causa pa e explosion di transformadornan den e Centro Nacional di Despacho di Panama, a afecta pa varios ora e Ciudad di Panama y Colon, dia 17 y 21 di Maart ultimo.
E fayonan, cu a afecta e distribucion Centroamericano y tambe Nicaragua y Honduras, a genera descontento entre e usuarionan di e servicio, di esnan cu algun a pasa sin luz te cu mas of menos 17 ora den e Ciudad di Panama.
E mandatario Panameño, Juan Carlos Varela, a bisa na periodistanan cue ta spera “cu lo audita e accionnan di e ekipo gerencial cu tin a cargo e responsabilidad di dirigi e empresa di un forma eficiente.”
“Nos ta enfoca den recupera e servicio y repara e dañonan causa (…), di presenta algun tipo di renuncia lo tin cu busca e reemplaso y sigui,” e presidente a añadi, kende no a abunda den e tema.
ETESA a informa cu e reparacion di e transformadornan cu a explota “ta avansa bon”, pero cu ainda e sistema di electricidad ta “fragil” y cu tin cu modera e consumo di energia pa evita incidentenan nobo.
E principal gremio empresarial di e pais, Camara di Comercio, Industria y Agricultura di Panama (CCIAP), ta calcula cu e blackoutnan manera cu a sosode recientemente, por causa perdida cercano na 1.3 miyon di dollar pa ora.
Fuente: EFE News