Sindicato SIWA a trece un disgusto dilanti, pa motibo di e retiro di un hoben na pia di trabao, pa un joke cu e la haci. Sr. Eric Henriquez ta splica con e reunion a bay.
Sindicato SIWA a sinta cu gerencia unda cu a plantea e problema un biaha, caminda cu e manera cu sindicato ta wak’e, nan no a cambia di idea. Pero nan a busca e manera hinca esey na banda di gerencia. Pero gerencia tabata defende cierto puntonan, mientras cu SIWA tabata splica na placa chikito di con nan tabata wake y e direccion cu Sr. Henriquez ta haya cu ta fout, unda cu gerencia a bay. Gerencia di WEB a bisa di bay evalua e situacion un biaha mas, y e espacio ey SIWA mester duna, pa wak si nan por yega na algo concreto, unda cu e mucha homber por haya un alivio atrobe, pa continua su desaroyo. E parti di trabao ta parti di su desaroyo, como hende unda e mester traha den comunidad, unda e ta yega na su famia y tur e partinan cu un bon ciudadano mester cumpli cun’e.
Sr. Henriquez a bisa cu e parti di medionan social tabata un punto ariba agenda, di dos punto. Un otro ta un cult of conduct, cu ora nan subi tereno di WEB, con nan mester comporta nan mes. Pero esey ta cay bou di WEB, pero esey ta ora e ta cla, SIWA lo mester hay’e pa nan tira un bista ariba dje, pa nan wak kico e ta encera. SIWA mes no sa nada tocante esaki y lo mester bira un punto di discusion.
Un otro punto ta e Social Media, con bo tin cu comporta. Aunke Sr. Henriquez ta admiti cu esey ta dificil, ya cu no tin un ley scirbi over di esaki. Esey lo bay bira un discusion basta amplio. Pero ora e momento yega, nan lo wak con nan lo deal cu esaki hunto cu e conseheronan di SIWA.
Sr. Eric Henriquez di SIWA di curason ta spera cu e hoben por bin bek na su trabao, y nan ta spera cu WEB tambe tuma e decision aki, ya cu e unico cos cu gerencia di WEB a priminti cu nan lo evalua e caso aki un biaha mas. Sr. Henriquez ta spera cu sentido comun prevalece. Pa WEB y tur caminda, mustra e parti humano, y Sr. Henriquez ta calcula cu mester tin espacio pa esey.