Tabata un sorpresa pa gerencia di AAA, pa mira e welga tumando luga dilanti di aeropuerto di parti di empleadonan di Douane y di Imigracion, mirando cu en berdad nan tambe ta na altura di loke a sosode dos dia pasa, unda cu un empleado di Douane a haya su atencion for di aeropuerto. A tuma contacto di biaha cu polis. Su siguiente dia a sinta cu e departamento di Douane mes, unda cu a trece e punto aki di preocupacion padilanti, unda cu a trece di biaha tambe kico lo bira e solucionnan cu a drenta na vigor di forma inmediato cu aeropuerto a percura, segun vocero Hendrick Croes.
El a sigui splica cu akinan ta trata di por ehempel e area mester tin miho luz, a pone mas personal pa controla e area aki y haci e control un tiki mas estricto. Akinan tambe ta trece padilanti cu a adresa e situacion cu a presenta, mirando cu pa 4 aña caba, unda cu no solamente nan ta para na e area eynan, sino tur otro empleado di aeropuerto. Durante e temporada di construccion di e parkinglot, unda cu e solar panelnan a wordo poni, tur hende mester a para den e area aki y como cu prome biaha algo asina a sosode, el a cay como sorpresa. Como aeropuerto, unda siguridad, di no solamente empleadonan di aeropuerto, sino tur bishitante y pasaheronan cu ta bin aeropuerto, ta sigur esencial y primordial, ta haya su atencion debido. Pesey e ta cay como un sorpresa, unda cu ta haci welga den e forma aki, pa yega como si fuera atencion na aeropuerto di Aruba, pero como aeropuerto di Aruba, e forma corecto unda cu ta atende cu situacionnan asina, ta por ehempel, no via sindicato, cu ta bay atende cu gerencia di aeropuerto, sino como maneho di Douane, ta tuma contacto cu maneho di aeropuerto, ta trece puntonan padilanti cu mester di atencion y conhuntamente ta yega na un solucion na puntonan asina aki. Esey ta e motibo cu un biaha mas ta cay como un sorpresa unda cu tur sindicato ta uni pa hala atencion di aeropuerto. Pero e forma corecto lo ta pa sindicato mester uni pa hala atencion di e maneho di e compania di e empleadonan cu nan ta representa.
E cambionan a bay na vigor di forma inmediato. A trece e puntonan aki tambe padilanti, ora cu a reuni cu maneho di Douane, unda cu a papia di entre otro di mas luz den e area. No necesariamente pone mas luz, sino cambia angulonan tiki con e luznan ta wordo poni, mirando cu e luznan ta poni di tal forma cu siguiendo reglanan cu a ricibi for di directie Luchtvaart y tambe Meteo, pa asina no por stroba nan operacionnan. Toch a scoge pa hala nan un tiki mas. Posiblemente lo tin consecuencia cu e departamentonan awor aki. Atrobe, ora cu ta trata siguridad di esnan cu ta traha na aeropuerto, no ta duda den un caso asina. A pone empleadonan extra di siguridad pa controla e area y tambe ta controla mas frecuentemente.
E cambionan a wordo treci den forma inmediato, mustrando cu tin e situacion aki hopi na serio. Ta un caso lamentabel cu sigur ta prome biaha cu e ta sosode pa aeropuerto di Aruba. Si el a sosode cu un empleado di douane of di AAA of un bishitante, tur lo haya e mesun atencion, segun Hendrick Croes.