Gerald Vingal ta afirma di tin respaldo completo di Minister Bikker y ta desmenti e rumornan circulando.
Despues cu cierto medio nan di comunicacion a lansa un informe sin un base fundamental, Gerald Vingal ta confirma cu na su parecer e ta conta cu e respaldo di Minister Bikker y cu tur cos ta canando riba un bon caminda relaciona cu trabou nan di IASA.
Recientemente Minister Bikker a haya henter un recorido di aeropuerto, pa asina aki e por tin un miho conocemento di henter e proceso di migracion y tambe pa e por tin un mihor bista di tur loke cu ta andando bon y tur loke cu ainda falta pa perfecciona. Sr. Vingal a duna tur splicacion hunto cu gran parti di e team di IASA pa asina por amplia e conocemento di minister riba e tereno aki.
E combersacion nan a bai hopi bon, unda cu a trece dilanti diferente punto, cu ta di elogia, y pa cual tin un bon funcionamento di e departamento di IASA. Tambe a touch e punto nan menos bon cu lo haya su debido atencion.
Minister Bikker tin riba su programa pa bishita haf di Barcadera otro siman pa e haya un splicacion di e trabao di Migracion pa loke ta haf.
Mester remarca cu Gerald Vingal ta sigui gosa di e elogio tanto local como internacional pa e forma profesional y eficiente di henter e servicio na migracion. Cu esaki tambe mester informa cu muy pronto IASA lo ta anunciando proyecto nan y sistema nan innovativo y moderno pa e comunidad di Aruba.