E fin di siman aki lo tin e weganan di olipiada di usa su wegnan den stadion pa cual aki Gerald Franca, presidente di ASU a splica kico tur lo bay tin e fin di siman aki.
E ta splica cu e programa cu lo bay diadomingo awo, cu apertura di ASU Olimpiada ta un periodo di festival di deporte. E olimpiada aki a cuminsa na 1955. Prome cu esey Lago mes tabata organisa su olimpiadanan den añanan 40. Diadomingo awo lo bay tin e apertura y manera cu Franca a splica, lo ta den Stadion Guillermo Prospero Trinidad y tin aproximadamente 18 pa 22 federacion ta bay tuma parti na dje. E yegada ta diadomingo awo, 5’or di atardi y oficialmente nan ta cuminsa move pa 5’or y mey en punto.
Franca lo hiba un discurso. Invitacion a bay pa minister di Salud Publico, Cuido di nos grandinan y Deporte pa hiba palabra y por sea caso tambe por ta Prome Minister mes hiba palabra.
Na e momento ey ta declara oficialmente e apertura di e olimpiada. E competencia e dia ey lo ta di atletismo y tambe lo bay tin algo di futbol LIFIDA. Tin un programa completo arma cu su schedule, cu ta cuminsa e mesun dia ey, pero lo bay tin por ehempel schermen dia 23 di October, Arubox ta dia 29. Basketball ta dia 4 y 5 di November. Lo bay tin cabay di paso, riba dia 5 y 6 di November, cu ta e siguiente fin di siman. Lo bay tin karate, y table tennis cu lo ta dia 8 di November. Atletismo ta dia 12 di November. Judo tin su actividad dia 12 di November. Tung so do tambe ta dia 12. Aikido ta dia 13. Volley ta dia 13. Weightlifting ta dia 13 di November. Atletismo ta dia 20 y 21 atrobe y landamento sincronisa ta dia 19. Kendo ta dia 19. Club Avance lo bay tin su actividad dia 3 di December. Muay Thai tambe lo tin un fecha, pero tambe lo bay tin actividad.
Tin mas of menos 450 atleta cu ta participa diadomingo awo Franca a splica.