Despues cu siman pasa IASA a sinta na mesa cu sindicato STA, a acerca Gerald Fingal pa sa kico ta e cambionan pa 2017.
El a comenta cu tin un grupo cu sindicato STA ta representa den Imigracion cu ta e grupo cu a drenta na 2005. E grupo aki ta bin na remarca dia 1 di Juli na 2016 pa un promocion. Pero ora a haci analisis di nan cifra di e dos ultimo aña, a richt mas tanto riba ziektemelding, a monitor den dienst y a ripara cu den e grupo aki tabata tin hende cu tabata haci nan mes culpabel di gaña bira malo. Tin hende cu ta sufri di preshon y tambe di sucu, pero sa kende nan ta, pasobra nan ta na man di dokter, nan tin nan camindanan ta bay. E hendenan ey claro no por coy e dianan ey zomaar uza nan den nan desbentaha. Claro ta coy otro factornan manera produccion, comportacion na trabao, pa tin un manera obhetivo y husto pa e grupo aki, awor aki pa e promocion bay door, a tuma e decision cu ta bin un verkorte veroordeel den sistema, unda cu ta bay evalua cada un trahado riba 7 punto, cu ta conta pa tur, pa obhetivamente bin pa wak ken ta bin na remarca pa haya un promocion of no.
Esaki realmente no ta un cambio. Awor aki den Gobierno ta, cu bo bezoldegingsregeling, ta bisa entre otro cu mester tin un bon evaluacion. No ta tur departamento tin e sistema aki asina desaroya. Den e caso di imigracion, ta bezig ta desaroya un sistema di evaluacion, pero pa introduci esey tin cu pasa cu DRH y check si e ta klop y cu tur otro instancia pa wak si e ta cumpli na e reglanan existente dentro di ley. No ta kita cu por uza un forma di un evaluacion, cual ta bay wordo aplica pa e grupo aki. Si tur cos ta bon, ta bay introduci e sistema aki completo, cu tin e tempo cu ta wordo evalua y tambe tin e bezwaar procedure aden. Pero ta bay tuma mucho tempo pa haci esaki. Pesey un forma mas simpel ta bay wordo introduci pa asina atende e grupo aki, segun Fingal.