Directie Wetgeving en Juridische Zaken, basicamente no ta legalisa mas declaracionnan di garantia pa personanan cu ta bin, di cual e declaracion ta wordo uza pa imigracion na Aruba mes. Esaki ta segun director di DWJZ, George Croes. E ta sigui splica cu legalisacion ta solamente si e documento ta bay pafo di Aruba. Por ehempel un persona ainda cu ta di Republica Dominicana, nan ainda ta cay bao di e Visumplicht. Manera antes, cu Colombia tambe, e formulario aki firma y apostiya, of legalisa, tabata bay afo, e tabata bay embahada Hulandes na Bogota, of na embahada na Santo Domingo. E documento ey si mester wordo legalisa. Pero un documento cu ta keda Aruba mes, cu ta wordo uza door di un instancia oficial na Aruba mes, no mester wordo legalisa. Simplemente ta firm’e y ta bay cu bo ID na imigracion of cualkier otro instancia y nan tin cu controla y dicidi. Na final di cuenta ta Imigracion ta dicidi si ta drenta of no. Of nan ta nenga di drenta pa x motibo. E carta di garantia cu su legalisacion di DWJZ of no, riba su mes no ta duna derecho pa bo drenta Aruba. Ta imigracion na final ta dicidi si bo ta drenta of no, Croes a splica.