LONDON, Gran Bretaña- Diamars George y Amal Clooney bira mayornan di un paar di morocho, un mucha muhe y un mucha homber, kendenan a nace den un hospital di London, segun e pareha a informa den un comunicado remiti door di e agente di e actor Mericano.
“Awe mainta Amal y George a yama bon bini na nan bida na Ella y Alexander Clooney”, segun e comunicado. “Ella, Alexander y Amal ta den bon estado di salud, fuerte y sano y hopi feliz. George ta bou sedante y e lo recupera den e siguiente dianan nos dilanti”, asina e agente di e actor a bisa, den tono di broma.
Fuente: www.efe.com