Lawrence Tuck, e General Manager nobo recientemente nombra di Hilton Aruba Caribbean Resort & Casino, a cuminsa riba un aventura emocionante durante su segundo siman na trabou. El a ricibi un invitacion special por medio di e directornan di su departamentonan pa un experencia di onboarding memorabel – un Bon Bini Island Tour. Despues di sali for di e resort parti mainta, e ekipo a haci nan prome parada na e misa di Alto Vista. Aki nan a ricibi un presentacion cortico pero impactante, cual a enfatisa e importancia emocional y spiritual profundo di e luga sagrado aki.
Despues di esaki, nan a bay over na bishita e impresionante formacion di piedra di AYO, un sitio monumental di arkeologia Amerindio. Esaki a ofrece nan un bista captura den e historia autentico y ritualnan antiguo di e poblacion di nos antepasadonan di Aruba. E bishita a keda guia bou experticio di Harold Kelly, un autoridad local riba e tema, kende a comparti algun conocemento y informacion entusiasma cu e ekipo cual den su turno sigur a enrikece nan
experencia mas ainda.
Na Centro di Pesca, Spaans Lagoen, e ekipo a haci un parada gratificante, intercambiando combersacionnan amistoso cu piscadonan local, y admirando e abundante cosecha local – un delicia culinario precioso cu ta wordo sirbi tur dia na e resort. Siguiendo cu nan trip, nan a bishita e pintoresko St. Nicolas, prome disfrutando di un experencia agradabel na Mangel Halto, un destino di playanan local renombra unda nan a haya e chens pa hinca nan pianan den e santo blanco un rato.
Mas despues, nan a reuni hunto pa come na Café Kulture, localisa den e historico Nicolaas Store, un restaurant carismatico cu ta conserva e herencia di un structura monumental construi na 1940, dornando e caya principal di e bario. Durante e resto di nan trip, e ekipo a ricibi conosemento balioso tocante e historia, cultura y tradicionnan di e isla, sumergiendo nan mes profundamente den su esencia – un experencia hopi mas leu di loke un buki den un klas por duna.
Ademas, nan a balora momentonan agradabel cu nan a pasa hunto, trahando conexionnan berdadero cu nan coleganan. Durante nan trips, miembronan di e ekipo a comparti anecdota
intrinsico tocante nan herencia familiar y nan raiznan. General manager Tuck a keda asombra di e storianan profundo y sorprendente cu el a topa durante e trip aki. Nicol Hart, un trahado social dedica for di Amalurra kende ta ofrece su servicionan na e resort, a bini cu e idea briyante pa organisa y diseña e experencia di incorporacion aki. Reconociendo e importancia di facilita e transicion nobo di e General Manager pa loke lo bira su ambiente nobo di tur dia, e ta pensa cu un tour di e isla hunto cu individuonan bon informa lo contribui enormemente na su ahustacion riba nos dushi Aruba.